Main keh thehri hui koi taqdeer tha jub dua chal pari
Dhoop apni bulandi peh aanay ko thi aur ghata chal pari
Ab kahan koi mehfooz reh paye ga aisay aalam main jub
Sheher main doosron ko kuchal dalnay ki waba chal pari
Her koi apnay mernay say pehlay hi marg aashna ho gaya
Ya Khuda teri dunya main kesi yeh rasm e qaza chal pari
Sheher bhar main tumharay chalay janay say is qadr habs tha
Saans chalti thi apni to lagta tha jesay hawa chal pari
Us nay aanchal fazaon main thora sa lehraya tha aur bas
Phool samjhay thay shayad keh na-waqt baad e saba chal pari
Raat bhi kitni ziddi hai bilkul kisi dilruba ki tarah
Main nay kuch dair is ko manaya nahin yeh khafa chal pari
Subscribe to:
Post Comments (Atom)
0 comments:
Post a Comment