Tanha hai dil to zehen kaheen mehfilon main hai
Yani meri hayat bari mushkilon main hai.
Jugnoo ko din ka sheher na raas aa saka to kya
Sooraj ka ghar bhi shab kay ghanay jangalon main hai
Fursat milay to apni sama’at pay ghaur ker
Meray ghamon ki mehfil teray qehqahon main hai
Jis ko talash kerti hain aawara manzilain
Kis ko khabar wo qafila kin raaston main hai
Rukht e safar luta ker bhi rah-ro hain mutma’in
Kitni kashish junoon ki us ki manzilon main hai
Darakhton pe jam gai hai kai mosmon ki gard
Shakhon ka jism lipta hua chadron main hai
Mohsin kis ka aks hai ashkon main waqt e subh
Ya saaf aainay ka badan paani’yon main hai
Subscribe to:
Post Comments (Atom)
0 comments:
Post a Comment