twitter

Ab kahan baqi raha noor main bheega hua tu

Ab kahan baqi raha noor main bheega hua tu
Haye afsos kai hathon se maila hua tu

Aik chalay main samaitoon tujhe ruswa ker doon
Dasht, itra na meray samnay phela hua tu

Maut se qabl yeh ehsas sakoon day ga mujhay
Tera dekha hua main hoon, mera dekha hua tu

Hath dar hath kai hath jhatakta hua main
Log-dar-log bharay sehehr se milta hua tu

Pattiyan phool ki mitti se uthaeen to mujhay
Yaad aaya meri aghosh main bikhra hua tu

Aankh khultay hi meray hath se chin jata hai
Halat e need main ik khwab se manga hua tu

Is qadr unchi hai seenay ke madeenay ki fasl
Jis se takra ke palat aaye ga bhaga hua tu

Rakib Mukhtar

 

اب کہاں باقی رہا نور میں بھیگا ہوا تو
ہائے افسوس کئی ہاتھوں سے میلا ہوا تو
 
ایک چھالے میں سمیٹوں تجھے رسوا کر دوں
دشت اِترا نہ مرے سامنے پھیلا ہوا تو
 
موت سے قبل یہ احساس سکوں دے گا مجھے
تیرا دیکھا ہوا میں ہوں میرا دیکھا ہوا تو
 
ہاتھ در ہاتھ کئی ہاتھ جھٹکتا ہوا میں
لوگ در لوگ بھرے شہر سے ملتا ہوا تو
 
پتیاں پھول کی مٹی سے اٹھائیں تو مجھے
یاد آیا مری آغوش میں بکھرا ہوا تو
 
آنکھ کھلتے ہی مرے ہاتھ سے چھن جاتا ہے
حالت_نیند میں اک خواب سے مانگا ہوا تو
 
اس قدر اونچی ہے سینے کے مدینے کی فصیل
جس سے ٹکرا کے پلٹ آئے گا بھاگا ہوا تو
 
راکب مختار
 

Monday, April 20, 2026 | 0 comments | Labels:

Tum kaho to kahoon

Tum kaho to kahoon
Harf ke taar main jitnay aansu piroay thay
Dard un se fazoon tha
Tum kaho to kahoon zarf ki dastan
Kheton ko gila badalon se nahi, soorajon se bhi tha
Bazu'on se bhi tha, hal pakarnay se pehlay ho jo thak gaye thay
Kisht e zarkhaiz per aab e namkeem jum sa gya
Raqs thum sa gya
Airryan ghoomtay ghoomtay ruk gaeen
Ashk rukhsar ki ghatiyon se gira, munjamid ho gya
Rang khushbu bana to hawa chal pari
Khaab nata bana to khuli khirkiyon main salakhain aa gaeen
Hath zakhmi huay
Kis ke kashkol se kitnay sikkay giray
Hijr kesa parinday ki aankhon main tha
Ghao kesay paharron ke seenay pe thay
Aina gung tha
Farsh per aks dhum se gira
Kirchiyan ho gya
Tum kaho to ginoon
Tum kaho to chunoon
Tum kaho to sunoon un-khilay phool ki dharkanain
Gumshuda titliyon ki sada
Zard tehni ke honton pe rakhi hui buddua
Aasmanon ki deleez per phaink doon
Tum kaho to dikhaoon tumhain
Ik tamasha keh jo meri muthi main hai
Ik gardan keh jo gham ke phanday main hai
Sans chalti bhi hai aur chalti nahi
Jaan nikalti nahi

Javaid Anwar

 

تم کہو تو کہوں
حرف کے تار میں جتنے آنسو پروئے گئے
درد ان سے فزوں تھا
سنو تو کہوں
تم کہو تو کہوں ظرف کی داستاں
کھیتیوں کو گلہ بادلوں سے نہیں سورجوں سے بھی تھا
بازووں سے بھی تھا ہل پکڑنے سے پہلے ہی جو تھک گئے
کشت زرخیز پر آب نمکین جم سا گیا
رقص تھم سا گیا
ایڑیاں گھومتے گھومتے رک گئیں
اشک رخسار کی گھاٹیوں سے گرا منجمد ہو گیا
رنگ خوشبو بنا تو ہوا چل پڑی
خواب ناطہ بنا تو کھلی کھڑکیوں میں سلاخیں اگیں
ہاتھ زخمی ہوئے
کس کے کشکول سے کتنے سکے گرے
ہجر کیسا پرندے کی آنکھوں میں تھا
گھاؤ کیسے پہاڑوں کے سینے پہ تھے
آئنہ گنگ تھا
فرش پر عکس دھم سے گرا
کرچیاں ہو گیا
تم کہو تو گنوں
تم کہو تو چنوں
تم کہو تو سنوں ان کھلے پھول کی دھڑکنیں
گمشدہ تتلیوں کی صدا
زرد ٹہنی کے ہونٹوں پہ رکھی ہوئی بد دعا
آسمانوں کی دہلیز پر پھینک دوں
تم کہو تو دکھاؤں تمہیں
اک تماشہ کہ جو میری مٹھی میں ہے
ایک گردن کہ جو غم کے پھندے میں ہے
سانس چلتی بھی ہے اور چلتی نہیں
جاں نکلتی نہیں
 
جاوید انور
 

| 0 comments | Labels:

Tu mujhay kis ke bananay ko mita betha hai

Tu mujhay kis ke bananay ko mita betha hai
Main koi gham to nahi tha jisay kha betha hai

Baat kuch khaak na thi jo urrai tu ne
Teer kuch aib nahi tha jo laga betha hai

Mail kuch khail nahi tha jo bigara tu ne
Rabt kuch rasm nahi tha jo ghata behta hai

Aankh kuch baat nahi thi jo jhukai tu ne
Rukh koi raaz nahi tha jo chupa betha hai

Naam arman nahi tha jo nikala tu ne
Ishq afwah nahi tha jo urra betha hai

Laag kuch aag nahi thi jo laga di tu ne
Dil koi ghar to nahi tha jo jala betha hai

Rasm kavish to nahi thi jo mita di tu ne
Hath parda to nahi tha jo utha behta hai

Muztar Khairabadi

 

تو مجھے کس کے بنانے کو مٹا بیٹھا ہے
میں کوئی غم تو نہیں تھا جسے کھا بیٹھا ہے
 
بات کچھ خاک نہیں تھی جو اڑائی تو نے
تیر کچھ عیب نہیں تھا جو لگا بیٹھا ہے
 
میل کچھ کھیل نہیں تھا جو بگاڑا تو نے
ربط کچھ رسم نہیں تھا جو گھٹا بیٹھا ہے
 
آنکھ کچھ بات نہیں تھی جو جھکائی تو نے
رخ کوئی راز نہیں تھا جو چھپا بیٹھا ہے
 
نام ارمان نہیں تھا جو نکالا تو نے
عشق افواہ نہیں تھا جو اڑا بیٹھا ہے
 
لاگ کچھ آگ نہیں تھی جو لگا دی تو نے
دل کوئی گھر تو نہیں تھا جو جلا بیٹھا ہے
 
رسم کاوش تو نہیں تھی جو مٹا دی تو نے 
ہاتھ پردہ تو نہیں تھا جو اٹھا بیٹھا ہے
 
مضطر خیرآبادی

 

| 0 comments | Labels:

Atish ho aur maarka e khair o shar na ho

Atish ho aur maarka e khair o shar na ho
Parwangi abas hai jo raqs e sharar na ho

Yeh kaar e ishq bhi hai ajab kaar e na tamam
Samjhain keh ho raha hai magar umr bhar na ho

Ik lamha e kamal keh sadiyon pe phail jaye
Ik lehza e wisal magar mukhtasir na ho

Ik dasht e bay dili main lahu bolnay lagay
Aisay main aik khwab keh tu ho magar na ho

Ik yad e khush jamal jawaz e hayat hai
Ik mehwar e khayal hai, yeh bhi agar na ho

Ik baat ki charhaai keh kham tootnay lagain
Kehnay ka shoq ho magar itna hunar naho

Aisa bhi kya keh yaad lahu main ghuli rahay
Aisa bhi kya keh umr e guzashta basar na ho

Yun khat e hijr khenchiye apne aur us ke beech
Dono taraf ki saans idhar se udhar na ho

Dono taraf ka shor barabar sunai day
Dono taraf kisi ko kisi ki khabar na ho

Ik sham jis main dil ka saboocha bhara rahay
Ik naam jis main dard to ho, is qadar na ho

Shaam aaye aur ghar ke liye dil machal uthay
Shaam aaye aur dil ke liye koi ghar na ho

Akhtar Usman 

 

آتش ہو ، اور معرکہء خیر و شر نہ ہو
پروانگی عبث ہے جو رقصِ شرر نہ ہو
 
یہ کارِ عشق بھی ہے عجب کارِ ناتمام
سمجھیں کہ ہو رہا ہے مگر عمر بھر نہ ہو
 
اک لمحہء کمال کہ صدیوں پہ پھیل جائے
اک لحظہء وصال مگر مختصر نہ ہو
 
اک دشتِ بے دلی میں لہو بولنے لگے
ایسے میں ایک خواب کہ تو ہو مگر نہ ہو
 
اک یادِ خوش جمال جوازٍ حیات ہے
اک محورِ خیال ہے، یہ بھی اگر نہ ہو
 
اک بات کی چڑھائی کہ دَم ٹوٹنے لگیں
کہنے کا شوق ہو مگر اتنا ہنر نہ ہو
 
ایسا بھی کیا کہ یاد لہو میں گھلی رہے
ایسا بھی کیا کہ عمرِ گذشتہ بسر نہ ہو
 
یوں خطٍ ہجر کھینچئے اپنے اور اس کے بیچ
دونوں طرف کی سانس ادھر سے ادھر نہ ہو
 
دونوں طرف کا شور برابر سنائی دے
دونوں طرف کسی کو کسی کی خبر نہ ہو
 
اک شام جس میں دل کا سبوچہ بھرا رہے
اک نام جس میں درد تو ہو، اس قدر نہ ہو
 
شام آئے اور گھر کے لئے دل مچل اٹھے
شام آئے اور دل کے لئے کوئی گھر نہ ہو
 
اختر عثمان

 

| 0 comments | Labels:

Na hua naseeb qarar e jaan, hawas e qarar bhi ab nahi

Na hua naseeb qarar e jaan, hawas e qarar bhi ab nahi
Tera intezar bohat kiya, tera intezar bhi ab nahi

Tujhe kya khabar mah o saal ne hamain kesay zakhm diye yahan
Teri yaadgar thi ik khalish, teri yaadgar bhi ab nahi

Na gilay rahay na guman rahay, na guzarishain hain na guftogu
Woh nishat e wada e wasl kya, hamain aitabar bhi ab nahi

Kisay nazr dain dil o jaan baham keh nahin woh kagul kham ba kham
Kisay her nafs ka hisab dain keh shameem e yaar bhi ab nahi

Woh hujoom e dil-zadgan keh tha, tujhe muzdah ho keh bikhar gya
Teray aastanay ki khair ho, sar e raah ghubar bhi ab nahi

Woh jo apni jaan se guzar gaye, unhain kya khabar keh sheher main
Kisi jaan nisar ka zikr kya, koi sog-war bhi ab nahi

Nahin ab to ehl e junoon main bhi, woh jo shoq sheher main aam tha
Woh jo rung tha kabhi ku ba ku, sir e ku-e-yaar bhi ab nahi

Jaun Elia 

 

 

 

نہ ہوا نصیب قرارِ جاں، ہوسِ قرار بھی اب نہیں
ترا انتظار بہت کیا، ترا انتظار بھی اب نہیں
 
تجھے کیا خبر مہ و سال نے ہمیں کیسے زخم دیئے یہاں
تری یادگار تھی اک خلش، تری یادگار بھی اب نہیں
 
نہ گلے رہے نہ گماں رہے، نہ گزارشیں ہیں نہ گفتگو
وہ نشاطِ وعدہء وصل کیا، ہمیں اعتبار بھی اب نہیں
 
کسے نذر دیں دل و جاں بہم کہ نہیں وہ کاکُلِ خم بہ خم
کِسے ہر نفس کا حساب دیں کہ شمیمِ یار بھی اب نہیں
 
وہ ہجومِ دل زدگاں کہ تھا، تجھے مژدہ ہو کہ بکھر گیا
ترے آستانے کی خیر ہو، سرِ رہ غبار بھی اب نہیں
 
وہ جو اپنی جاں سے گزر گئے، انہیں کیا خبر ہے کہ شہر میں
کسی جاں نثار کا ذکر کیا، کوئی سوگوار بھی اب نہیں
 
نہیں اب تو اہلِ جنوں میں بھی، وہ جو شوق شہر میں عام تھا
وہ جو رنگ تھا کبھی کو بہ کو، سرِ کوئے یار بھی اب نہیں
 
جون ایلیا
 

| 0 comments | Labels:

Zindagi ke raston main

Zindagi ke raston main itni gard urti hay
Faslay se daikhain to kuch nazar nahi ata
Manzilon ke chehray bhi, raah ki nishani bhi
Sab hi doob jatay hain
Gard ke samander main
Dard ke samander main
Raasta nahi milta
Fasla nahi ghat'tay
Jis jaga se niklay thay hum safar ke raston per
Wahan pohanch ke daikhain to her taraf udasi hay
Her taraf andhera hay
Kuch nazar nahi aata
Be nishaan raston main
Wahmay tu aatay hain
Apna ghar nahi ataa
Amjad Islam Amjad
 
 
زندگی کے رستوں میں اتنی گرد اڑتی ہے
فاصلے سے دیکھیں تو کچھ نظر نہیں آتا
منزلوں کے چہرے بھی، راہ کی نشانی بھی
سب ہی ڈوب جا تے ہیں
گرد کے سمندر میں
درد کے سمندر میں
راستہ نہیں ملتا
فاصلہ نہیں گھٹتا
جس جگہ سے نکلے تھے ہم سفر کے رستوں پر
وہاں پہنچ کے دیکھیں تو ہر طرف اداسی ہے
ہر طرف اندھیرا ہے
کچھ نظر نہیں آتا
بے نشاں رستوں میں
واہمے تو آتے ہیں
اپنا گھر نہیں آتا

امجد اسلام امجد
 
Friday, April 22, 2016 | 1 comments | Labels:

Tu mera naam na poocha kar

Tu mera naam na poocha kar
Main teri zaat ka hissa hoon.
Main teri soch main shamil hoon
Main teri neend ka qissa hoon
Main terey khuwaab ka hasil hoon
Main teri yaad ka mehwar hoon
Main teri sans ka jhonka hoon
Tu manzar main pas-e-manzar hoon
Main lamhaa hoon main jazba hoon
Jazbay ka koi naam nhi
Tu mera naam na poocha kar.
Mohsin Naqvi
 
تو میرا نام نہ پوچھا کر
میں تیری ذات کا حصہ ہوں
میں تیری سوچ میں شامل ہوں
میں تیری نیند کا قصہ ہوں
میں تیرے خواب کا حاصل ہوں
میں تیری یاد کا محور ہوں
مین تیری سانس کا جھونکا ہوں
توُمنظر میں پس منظر ہوں
میں لمحہ ہوں، میں جذبہ ہوں
جذبے کا کوئی نام نہیں
توُ میرا نام نہ پوچھا کر
 
محسن نقوی  
Thursday, April 21, 2016 | 0 comments | Labels:

Shikast e Ana

Aaj ki raat bohat sard bohat kali hai
Teergi aisay lipti hai hawa e ghum say
Apnay bichray huay sajan say mili hai jesay
Mashal e khwab kuch is taur bujhi hai jesay
Dard nay jagti aankhon ki chamak kha li hai
Shauq ka naam na khwahish ka nishan hai koi
Barf ki sil nay meray dil ki jagah pa li hai
Ab dhundalkay bhi nahi zeenat e chashm e bay khwab
Aas ka roop mehel dast e tahi hai jesay!
Bahr e imkaan pay kaai si jami hai jesay!
Aisay lagta hai keh jesay mera mamoora e jaan
Kisi sailab zada ghar ki zuboon-hali hai
Na koi dost na tara keh jisay batlaoon!
Is tarah toot kay bikhra hai ana ka sheesha
Mera pindaar meray dil kay liye gaali hai
Nabz taaron ki tarah doob rahi hai jesay
Ghum ki pinhai samandar say bari hai jesay
Aankh sehraon kay daman ki tarah khali hai
Wehshat e jaan ki taraf dekh ke yun lagta hai
Maut is tarah ke jeenay say bhali hai jesay
Teergi chatnay lagi, waqt rukay ga kyun ker
Subh khursheed liye dar pe khari hai jesay
Daagh e ruswai chupanay say nahi chup sakta
Yeh to yun hai keh jabeen bol rahi hai jesay
Amjad Islam Amjad
 
 
شکستِ انا 
 
 آج کی رات بہت سرد بہت کالی ہے
تیرگی ایسے لپٹتی ہے ہوائے غم سے
اپنے بچھڑے ہوئے ساجن سے ملی ہے جیسے
مشعل خواب کچھ اس طور بجھی ہے جیسے
درد نے جاگتی آنکھوں کی چمک کھا لی ہے
شوق کا نام نہ خواہش کا نشاں ہے کوئی
برف کی سل نے مرے دل کی جگہ پا لی ہے
اب دھندلکے بھی نہیں زینت چشم بے خواب
آس کا روپ محل دست تہی ہے جیسے
بحر امکان پہ کائی سی جمی ہے جیسے
ایسے لگتا ہے کہ جیسے مرا معمورۂ جاں
کسی سیلاب زدہ گھر کی زبوں حالی ہے
نہ کوئی دوست نہ تارا کہ جسے بتلاؤں
اس طرح ٹوٹ کے بکھرا ہے انا کا شیشہ
میرا پندار مرے دل کے لیے گالی ہے
نبض تاروں کی طرح ڈوب رہی ہے جیسے
غم کی پنہائی سمندر سے بڑی ہے جیسے
آنکھ صحراؤں کے دامن کی طرح خالی ہے
وحشت جاں کی طرف دیکھ کے یوں لگتا ہے
موت اس طرح کے جینے سے بھلی ہے جیسے
تیرگی چھٹنے لگی، وقت رکے گا کیوں کر
صبح خورشید لیے در پہ کھڑی ہے جیسے
داغ رسوائی چھپانے سے نہیں چھپ سکتا
یہ تو یوں ہے کہ جبیں بول رہی ہے جیسے

امجد اسلام امجد
 
| 0 comments | Labels:

Pas-e-marg-e-tamanna

Mujhay us say yeh kehna tha
Tumhi to ho, meray dil nay
Jisay dekha tha khwabon main
Jisay manga duaon main
Thi dil ko aarzuu jis ki
Mujhay thi just-o-ju jis ki
Tumhi to ho, Tumhi to ho
Magar kesay kahoon us say?
Abhi is soch main gum tha
Achanak jab kahan us nay
Yunhi baton hi baton main
“Kisi ka naam likha hai
Meri qismat kay mathay per
Badalna jis ko namumkin
Bhalay hum dost hain lekin
Hamara sath hai itna
Keh jesay bhool per shabnam
Yehi taqdeer hai apni
Juda ho jain gay hum tum
Bohat thoray hain din baqi
Piya ghar jab main jaoon gee
Nai dunya basaoon gee”
Bazahir hans kay tub main nay
Kaha us say mubarak ho
Nai manzil, nai dunya
Tumjhay sari teri khushiyan
Magar ik cheekh si uthi
Kahin meray hi seenay say
Keh jesay aakhri hichki
Lab e beemar say niklay
Laga mujh ko, meray andar
Keh jesay mar gya koi

Ishtiaq Zain
| 0 comments | Labels:

Main khayal hoon kisi aur ka

Main khayal hoon kisi aur ka, mujhay sochta koi aur hai
Sar e aaina mera aks hai, pas e aaina koi aur hai

Main kisi ke dast e talab main hoon to kisi ke harf e dua main hoon
Main naseeb hoon kisi aur ka, mujhay mangta koi aur hai

Ajab aitabar o bay aitabari kay darmiyan hai zindagi
Main qareeb hoon kisi aur kay, mujhay janta koi aur hai

Meri roshni teray khud o khaal say mukhtalif to nahi magar
Tu qareeb aa tujhay daikh loon, to wohi hai ya koi aur hai

Tujhay dushmanon ki khabar na thi mujhay doston ka pata na tha
Teri dastan koi aur thi, mera waqea koi aur hai

Wohi munsifon ki riwayatain, wohi faislon ki ibaratain
Mera jurm to koi aur tha, peh meri saza koi aur hai

Kabhi laut aain to poochna nahi dekhna unhain ghaur say
jinhain rastay main khabar hui keh yeh rasta koi aur hai

Saleem Kauser
Sunday, April 17, 2016 | 0 comments | Labels:
Subscribe to: Comments (Atom)