phir aik baar
naya gher talash kerna hai
koi khuloos ka peker talash kerna hai
phir aik baar
kisi ko basa k dherken main
her zakham ka merham talash kerna hai
phir aik baar
bharosa kisi pe kerna hai
kisi k samne
kashkol dil ka rakhna hai
phir aik baar
musafat naseeb hona hai
judaiyon se lipet ker
bohat hi rona hai
phir aik baar
naye khuwab dekhne hain mujhe
phir aik baar mujhe
dhoondni hain tabirain
phir aik baar
wafain talash kerni hain
jo kho chuki hoon
sadain talash kerni hain
phir aik baar
mujhe woh faraib khana hai
wohi faraib jo
pehle bhi kha chuki hoon mein
phir aik baar
ussi kerb se guzerna hai
woh kerb!
jis ki tamazat utha chuki hoon mein
Subscribe to:
Post Comments (Atom)
0 comments:
Post a Comment