Tum naghma-e-mah-o-anjum ho, tum soz-e-tamanna kya jano
Tum dard-e-mohabat kya samjho, tum dil ka tarapna kya jano
Kub dard barha kub hook uthi, kub ashk baha kyun ah khichi
Tum gum ho baharoo’n mai apni, tum gham ka fasana kya jano
Ek moj-e-tabasum honton par, ek naghma rangeen ankhon mai
Tum raqs-e-surayya kya samjho, tum barbat-e-zuhra kya jano
Tum roth gaye jub jub hum say, hum tum ko mana hi letay thay
Ek bar agar hum rooth gaye tum hum ko manana kya jano
Takhreeb-e-mohabat asaan hai, tameer-e-mohabat mushkil hai
Tum aag lagana sekh gaye tum agg bhujana kya jano
Tum door kharay dekha hi kiye aur dobnay wala doob gya
Sahil hi ko tum manzil samjhay, tum lazit-e-dariya kya jano
0 comments:
Post a Comment