Yahien Rehtey hain Lekin Shehar Sey Naata Nahi koi
Parey hain Aisey goshey Mein Jidher Aata Nahi koi
Hamarey Dil Key Andhar Roz Eik Sooraj Utarta hai
Yeh wo Darya hai Jis Sey loat Kar jatta Nahi koi
Hamein Sab Shaakh Sey toota hua Patta Smajhtey hain
Bhatak jaien to hum Ko Raah Par Laata Nahii koi
Yhaan to Apney Kaantey Apney Haathon Chun-ney Partey hain
Yeh wo Bastii hai Jis Mein Phool Barsata Nahii koi
Sada e Baazgasht Aatii Nahi Ab Key Pahaaron Sey
Tujhey Aawaaz daita hon to dohraata Nahii koi
Jo Dekha hai Wo Aankhon Pey Yaqeen Karney Nahii Daita
Jo Socha hai wo Khud Ko Bhi Bata Paata Nahii koi
Meray Seenay Key Ander Kya koii Jadoo Kii Nagrii hai?
Sada Aatii hai Lekin Saamney Aata Nahi koi
Meray MOLA mujhey Phir Sey wohii Janat Atta Kar Dey
Zamana ho Gya hai mujh Ko Behkaata Nahii koi
Teray Ghar Ka Pata Maloom hai Meray Siwa Sab Ko
Kisi Ko Pooch Lo to Simat Batlaata Nahii koi
Mujhey Maloom hai too Sang-Dil hai Be-Maravat hai
Meray Dil Ko Magar Teray Siwa Bhaata Nahi koi
Agar Yeh Bhi Barasney Lag Parien to Mera Kya hoga?
Ghataaon Key Siwa Meray Sar Pey Chhaata Nahi koi
Kisi Ko Maal daita hai Kisi Ko Sabar daita hai
Sakhii tujh Sa Do Aalaam Mein Meray Daata Nahii koi
Zara Sii Baat Par "Shehzaad" dunya Choar Dii tum Ney
Arey Apney Kiye Par youn to Pachta-ta Nahii koi
Subscribe to:
Post Comments (Atom)
0 comments:
Post a Comment