Yeh Shaam Shaam Zindagi

Abhi jugnoo nahin roothay
Abhi aansoo nahin tootay
Abhi soraj nahin jaaga
Abhi taray nahin doobay
Abhi mehtab baqi hay
Abhi aik khwab baqi hay

Abhi manzil nahin aai
Abhi rasta nahin tehra
Abhi jangal nahin guzra
Abhi dariya nahin utra
Abhi gerdab baqi hay
Abhi aik khwab baqi hay

Abhi tofan nahin tehra
Abhi aankhon main jal thal hay
Abhi seenay main halchal hay
Abhi khirki main barish hay
Abhi kamray main badal hay
Abhi barfab baqi hay
Abhi aik khwab baqi hay

Abhi qissa adhoora hay
Abhi poori kahani hay
Abhi sara burhapa hay
Abhi aadhi jawani hay
Abhi us paar jana hay
Abhi jheelon main pani hay
Abhi rasty main daldal hay
Abhi payab baqi hay
Abhi aik khwab baqi hay
Abhi aik khwab baqi hay.....!!!