Raat baaqi thi abhi sar-e-baaleen aa kar
Chaand nay mujh sey kaha -
“Jaag sehar aai hai
Jaag is shab jo mey-khaab tera hissa thi
Jaam keh lab sey tah-e-jaam utar aai hai”

Aks-e-jaanaan ko widaa kar ke utthi meri nazar
Shab ke thehrey huey paani ki syah chaadar par
Ja-bajaa raqs mein aaney lagey chaandi ke bhanwar
Chaand ke haath sey taaron ke kanwal gir gir kar
Doobtey, taertey, murjhaatey rahey, khiltey rahay
Raat aur subh bohat dair galey miltey rahay