Yeh Shaam Shaam Zindagi

Khayal o shair ki dunya mein jaan thi jin say
Faza e fikr o amal arghwan thi jin say
Woh jin kay noor say shaadab thay meh o anjum
Janoon e ishq ki himmat jawan thi jan say

Woh aarzoo'ain kahan so gaeen hein meray nadeem

Woh nasaboor nigahain, woh muntazir rahain
Woh pas e zabt say dil mein dabi hui aahain
Woh intezar ki ratain, taweel teerah o taar
Woh neem khawab shabistan, woh mukhmaleen bahain

Kahaniyan theen, kahin kho gai hein meray nadeem

Machal raha hei raig e zindagi mein khoon e bahar
Ulajh rahay hein puranay ghamon say rooh kay taar
Chalo keh chal kay chiraghan karain dayar e habib
Hain intezar main agli mohabbaton kay mazaar

Mohabbatain jo fana ho gyee hein mere nadeem

Faiz Ahmad Faiz