twitter

Daira der daira es gurdbad-e-waqt k rastay main jo yeh
Kuch khuss-o-khashaak se urtay bikhertay ja rahay hain
Kon hain!

Wuswasoon aur khwahishon ki bastion k dermian jo
Aik sel-e-bay juhat ka rizq buntay ja rahay hain
Kon hain!

Jis mai shamil bhi nahin thay aik aisay bay thikana
Jurm ka tawaan bhurtay ja rahay hain
Kon hain!

Raat din kiron makoron ki tarha se
Yeh jo jitay aur mertay ja rahay hain
Kon hain!

Dil ki wehshut, apnay he sayee ki dehshut se
Laraztay ja rahay hain
Kon hain!

Matum ehlay wafa main bain kertay
Ja rahay hain
Kon hain!

Yeh jo mitay
Ja rahay hain
Kon hain!

Monday, October 20, 2008 | 0 comments | Labels:

0 comments: