Woh Ik Shaks Jo Sab K Agay Hasta Hasta Rehta Hai
Tum Kia Jano Ander Say Woh Kitna Toota Rehta Hai
Us Ki Batain Sun K Sab K Dil Khush Hotay Rehtay Hain
Laikin Uss K Apnay Dil Main Matam Hota Rehta Hai
Koi Diye Say Poochay Sab Ko Roshni Denay Ki Khatir
Kitni Azeeyat Sehta Hai Woh Kaisay Jalta Rehta Hai
Zalim Log Jahan K Uss Ko Pagal Pagal Kehtay Hain
Ik Deewana Deewaron Say Batain Kerta Rehta Hai
Tum To Us Kay Paigamon K Tukray Kertay Jatay Ho
Aur Woh Apni Tehreeron K Tukray Chunta Rehta Hai
Tera Ik Aisa Deewana Bhi Hai Teri Nagri Main
Hath Pay Teray Naam Ko Likh k Us Ko Takta Rehta Hai
Teray Milan Ki Aas Main Koi Iss Had Tak Deewana Hai
Apni Palkon Say Woh Khwab Suhanay Bunta Rehta Hai
Iss Ko Roko Apnay Sir Pay Koi Tohmat Lay Lay Ga
Apnay Shairon Main Yeh Kaisi Batain Likhta Rehta Hai
Jab Say Tum Nay Hukm Diya Hai Asim Ko Chup Rehnay Ka
Apnay Mun Say Kuch Nahi Kehta Sab Ki Sunta Rehta Hai
Subscribe to:
Post Comments (Atom)
0 comments:
Post a Comment