twitter

Dil girafta hi sahi, bazm saja li jaey
Yaad e janan se koi shaam na khali jaey

Rafta rafta yehi zindan mein badal jate hain
Ab kisi sheher ki bunyaad na daali jaey

Mushaf e rukh hai kisi ka keh beyaz e Hafiz
Aisay chehray say kabhi faal nikaali jaey

Wo murawwat se mila hai to jhuka dun gardan
Meray dushman ka koi waar na khaali jaey

Be-nawa sheher ka saya hai mere dil pe Faraz
Kis tarah say meri aashufta khayali jaey
Thursday, August 27, 2015 | 0 comments | Labels:

0 comments: