Yeh Shaam Shaam Zindagi

Main yeh soch kar us ke dar say utha tha
Keh woh rok lay gee, mana lay gee mujh ko
Qadam aisay andaaz say uth rahay thay
Keh woh aawaz day kar bula lay gee mujh ko
Hawaon main lahrata aata tha daaman
Keh daaman pakar kar bithaa lay gee mujh ko

Magar us nay roka, na mujh ko manaya
Na aawaz hi di, na wapis bulaaya
Na daman hi pakra, na mujh ko bithaya
Main aahista aahista barhta hii aaya
Yahan tak keh us se juda ho gya main

Kaifi Aazmi