Yeh Shaam Shaam Zindagi

Yahan chahaton ka sila nahi,
Yahan dosti ka maza nahi
Yahan janay kaisi hawa chali,
Rahi doston main wafa nahi
Yahan jal gaya maira aashiyan,
Abhi badalon ko pata nahi
Teray dar pay dastak dey sakoon,
Yeh haq to tu nai diya nahi
Main raahi hoon rah-e-umeed ka,
Mujhay manziloon ka pata nahi
Bay bus hoon jahan main itna,
Jesay mera koi khuda nahi
Meri sadgi mera jurm hai
Koi or meri khata nahi

Lubna Kanwal