twitter

Hum jo pohonchay sar-e-maqtal to yeh manzar daikha

Sab say uncha tha jo sar, nok-e-sina per daikha

Hum say mut pooch keh kab chaand ubharta hai yahan

Hum nay suraj bhi teray sheher maian aa ker daikha

Pyaas yaaron ko ab us morr pay lay aai hai

Rait chamki to yeh samjhay keh samandar daikha

Aisay liptay hain dar-o-baam say ab kay jaisay

Hadson nay bari muddat main mera ghar daikha

Zindagi bhar na hua khatm qayamat ka azaab

Hum nay her saans main barpa naya mehshar daikha

Itna bay-his keh pighalta hi na tha baton say

Aadmi tha keh tarasha hua patthar daikha

Dukh hi aisa tha keh roya tera Mohsin warna

Gham chhupa ker usay hanstay huay aksar daikha


Sunday, March 8, 2009 | 1 comments | Labels:

1 comments:

  1. Unknown
    May 8, 2010 at 11:40 PM

    BHOT ACHA VERY NICE. MR SHOUKAT BALOCH