Sakoon pal ka nahi be-kalli jahaan kii hai
Mujhey di jo kahaanii yeh aasmaan kii hai
Na poocho mujh sey keh kya khaak mein tatolta hoon
Yeh raakh bikhrii zameen par meray makaan kii hai
Meray yeh ghar key andhairey meray wajood sey hain
Keh bad-naseebii meri khud meray hii nishaan kii hai
Fakhar karon bhi to kis par keh kuch nahi baaqi
Har eik jali sii kali meray gulistaan kii hai
Bharosa kis ka, kadoorat hai dil mein apnon kii
Jo teer dil mein hai paiwast mehar-baan kii hai
Chuna hai khaar keh phoolon sey zakham paye hain
Gulon sey bair nahi baat meri aan kii hai
Subscribe to:
Post Comments (Atom)
0 comments:
Post a Comment