Mujhey darya nahi likhna mujhey sehra nahi likhna
Tasalsul sey safar may hoon mujhey thehra nahi likhna
Puraney rabton ki rakhh aab tak dil may baqi hay
Meri jalti hatheli par naya wada nahi likhna
Ana se jeet kar usko agar jo may ney khoya hay
Mera noha nahi likhna mera naghma nahi likhna
Bisat-e-zindagi ki aakhri sarhad pey khara hoon
Mujhe fateh nahi likhna mujhe muhra nahi likhna
Tumhray aankh may gar mey kabhi chup chap jal joan
Tum apni aankhoon mey lekin mera sadma nahi likhna
Gawahi apney dil sey lo tumhara dil kya kehta hay
Mujhe jhota nahi likhna mujhe saccha nahi likhna
May uski yaad mey gum hoon key apney aap mey gum hoon
Mujhey mehfil nahi likhna mujhey Tanha nahi likhna
May apnay lafzon sey shuhrat tumhay dey jaonga ik din
Mujhey mashoor na karna mera charcha nahi likhna
Ye na ho tum kabhi usko mitana chaho…na mittey
Mujhey apna samjh lena magar apna nahi likhna
Meri aankhon mey batain hein magar chehrey pey gehri chup
Meri aankhain to likh dena mera chehra nahi likhna
Kahin aisa na ho meri kasak us dil may reh jaye
Mera dukh dard likh dena magar gehra nahi likhna
Subscribe to:
Post Comments (Atom)
0 comments:
Post a Comment