twitter

Kaisay zindagi kay din guzartay hein
Kaho ab bhi humari yaad kay jugnu chmaktay hein
Kaho kya chandni raaton main ab bhi dil dharakta hai
Kaho kya aj bhi milnay ki khatir ji machalta hai
Kaho tanhaiyon say khauf to ata nahin tumko
Kaho khuab to koi tarpata nahin tumko
Kaho keh yaad hein ab bhi tumhain guzri hui raatain
Kaho dil say bhula nahin saktay woh pyar ki batain
Kaho duniya main rehna ab tumhay bekar lagta hai
Kaho ke hijr main jeena bohat dushwar lagta hai
Kaho bichray huay saathi joh mil jaen to acha hai
Kaho guzray huay woh din palat ayen to acha hai
Kaho kaisay sulagti agh say daman bachao ge
Kaho mayoosion say kis tarah peechha chhurao ge
Kaho tum say bichar kar neend ankhoon main nahin ayi
Kaho tum say bichar kar waqt ho gaya hurjai
Chalo keh do judai ka zeher pina nahin aya
Chalo keh do tumhare hijr main jeena nahin aya

Wednesday, December 12, 2007 | 0 comments | Labels:

0 comments: