Teri Khwaahish Kii Qasam
Mustaqil Dukh Ney Tabiyet Hii Badal Daalii Hai
Jhootey Moothey
Hum Bhala Kab They Behalney Waaley?
Teray Jeewan Ki Qasam
Hijr Aur Mout Ney Tora Hai Humien
Chooti Motii
Hum Bhala Kab Thy Bikharney Waaley?
Tujh Ko Maloom Hai Hum Teri Khushii Kii Khaatir
Gham Key Aadaab Bhulaaye Baithey Hain
Hum Ko Eik Behney Waley Zakhm Ney Mohtaaj Bana Daala
Warna Hum Kab They Bhala Bach Key Guzarney Waaley?
Hum Ney Is Baar Yeh Socha Hai K Hum Teray Liye
Teray Andaaz Sey Chaahien Gey Tujhey
Tujh Sey Hi Mashwara Mangey Gey Teray Liye
Baadshaahon Kii Trah Rakhien Gey Is Baar Mohabbat Ka Bharam
Hum Ney Yeh Soch Liya Hai Is Baar
Haar Aur Jeet Ko Is Khail Mein Rakhna Hii Nahien
Ghair-Mashroot Mohabbat Kii Tarah Daalain Gey
Subscribe to:
Post Comments (Atom)
0 comments:
Post a Comment