twitter

Dil dharaknay kaa sabab yaad aayaa
Woh terii yaad thii ab yaad aayaa

Aaj mushkil thaa sambhalanaa ay dost
Tu museebat main ajab yaad aayaa

Din guzaaraa thaa bari mushkil say
Phir teraa vaadaa-e-shab yaad aayaa

Teraa bhuulaa huaa paimaan-e-vafaa
Mar rahain gay agar ab yaad aayaa

Phir kai log nazar se guzare
Phir koi shahar-e-tarab yaad aayaa

Haal-e-dil ham bhii sunaate lekin
Jab woh rukhsat huye tab yaad aayaa

Baith kar saayaa-e-gul main ‘Nasir’
Ham bahut roye woh jab yaad aayaa

Wednesday, December 12, 2007 | 0 comments | Labels:

0 comments: