twitter

Akhri bar milo aisay keh jaltay huay dil
Rakh ho jain koi aur taqaza na karain
Chaak-e-wada na silay, Zakhm-e-tamanna na khilay
Saans hamwar rahay, shama ki lau tuk na hilay
Baatain bus itni keh lamhay unhain aa ker gin jaaen
Ankh uthaeye koi ummed to aankhain chin jaaen

Us mulaqat ka ab koi wehem nahin
Jis say aik aur mulaqat ki soorat niklay
Ab na heejan o junoon, na hikayat ka waqt
Ab na tajdeed-e-wafa ka na shikayat ka waqt
Lut gai shehr-e-hawadis main mata-e-alfaaz
Ab jo kehna hai to kesay koi noha kehyay
Aaj tak tum say rag-e-jaan kay kai rishtay thay
Kal say jo ho ga usay kaun sa rishta kehyay

Phir na dehkain gay aariz-o-rukhsaar milo
Matami hai dam-e-rukhsat, dar o dewaar milo
Phir na hum houn, na iqraar na inkaar, milo

Akhri baar milo!

Mustafa Zaidi


Monday, December 24, 2007 | 0 comments | Labels:

0 comments: